2015-2016 குரு பெயர்ச்சி – லக்கின வாரியாக பலன்கள் பகுதி-2.

ஓம் சரவண பவ 


ஓம் நகத்வஜாய வித்மஹே 
பத்ம ஹஸ்த்தாய தீமஹி 
தந்நோ ராகு ப்ரோசோதயாத்
துலாம் லக்கினம்: 


துலாம் லக்கினக்காரர்களுக்கு இந்த குருபெயர்ச்சி மிகுந்த நன்மையை செய்யும். லக்கினத்திற்கு 11-ம் இடத்தில் அமர்ந்துள்ள குரு இந்த லக்கினத்தை சேர்ந்தவர்களுக்கு சகோதர வழி ஆதாயம், எடுக்கும் முயற்சிகளில் வெற்றி, எழுத்து ஆற்றல், தொழில் தொடர்பு, நண்பர்களின் ஆதரவு, அறிவியல் ஆராய்ச்சி, வட்டித் தொழில் மற்றும் இன்சூரன்ஸ் துறையில் நல்ல வருமானம், மன நிம்மதி, பெரியோர்களின் முழு ஆசீர்வாதம், உடல்நல பிரச்சனை இன்மை, நல்ல மனநலம், துடிப்பான செயல்பாடுகள், அபரிவிதமான அறிவாற்றல் என சகல நன்மைகளையும் அனுபவிப்பர். மனைவியிடம் கண்டிப்பை குறைத்துக் கொள்வது இல்லறத்தில் மகிழ்வை தரும்.  

விருச்சிகம் லக்கினம்: 


விருச்சிக லக்கினக்காரர்களுக்கு இந்த குருபெயர்ச்சி மிகுந்த சோதனையையே தரும் என்பது வருத்தம் மிகுந்ததே. லக்கினத்திற்கு 10-ம் இடத்தில் உள்ள குரு இந்த லக்கினத்தை சேர்ந்தவர்களுக்கு தன்னுடைய நாவடக்கமின்மை காரணமாக ஆசிரியர்கள், தன்னைவிட வயதில் மூத்தோரிடம் கெட்ட பெயரையே சம்பாதிப்பர், வேலை வாய்ப்பில் தாமதம் ஏற்படும், வருமானம் குறைவுக்கு தானே காரணமாவர், உடல் பிரச்சனை சந்திக்கும் நிலை ஏற்படும், கடன் வாங்குதல் மற்றும் கொடுத்தல் ஆகாது, சக நண்பர்கள் மற்றும் தொழிலாளர்களிடையே கருத்து வேறுபாடு ஏற்படும், அதிகளவும் மனரீதியான பிரச்சனையை எதர்கொள்ளவேண்டிய நிலை வரும், பெண்களுக்கு தாயிடமும் ஆண்களுக்கு தந்தையிடமும் கருத்துவேறுபாடு ஏற்படும். 

( நண்பர்களே 12 லக்கினங்களில் விருச்சிக லக்கினம் என்பது மட்டும் கெடவே கூடாது ஏன் என்றால் இறையருளின் கணக்கிற்கு இந்த லக்கினம் 8-ம் வீடாக வரும் அதாவது ஆயுள் பாவகமாக வரும் இந்த லக்கினம் கெடுமேயாயின் இந்த லக்கினத்தை சேர்ந்த நண்பர்களை போன்ற ஒரு சுயநலவாதியை பார்க்கவே முடியாது மேலும் இந்த நண்பர்களால் தன்னுடைய மனதை ஒருநிலை படுத்தவே முடியாது. எதிலுள் குறைக்கானும் குணம் இயற்க்கையாக அமைந்துவிடும் அடுத்தவருக்கு தீமை நடந்தால் இவர்களில் மகிழ்ச்சிக்கு அளவே இருக்காது. மனம் நினைக்கிறதை எல்லாம் செய்ய வேண்டும் என்ற போக்கில் இறங்கி தன்னையும் தன்னை சார்ந்தவர்களையும் பாதாளத்திற்கு கொண்டுபோய் விடுவர். தன்னுடைய வாழ்க்கை மற்றவரை சார்ந்தே இருக்கும். அதுவே விருச்சிக லக்கினம் நல்ல நிலையில் இருக்கும் நண்பர்களின் வாழ்க்கை அவர்கள் எதிர்பாகும் அளவைவிட பெரும் வளர்ச்சியை தரும், இவர்களின் சிந்தனை என்றும் பொதுநலம் சார்ந்தே இருக்கும், ஆன்மீகத்தில் கைதேர்ந்தவராக இருப்பார். இவர்களின் எண்ணமே இவர்களை உயர்ந்த இடத்திற்கு எடுத்து செல்லும். ) 

தனுஷ் லக்கினம்: 


தனுஷ் லக்கினக்காரர்களுக்கு இந்த குருபெயர்ச்சி மிகுந்த நன்மையை செய்யும். லக்கினத்திற்கு 9-ம் இடத்தில் அமர்ந்துள்ள குரு இந்த லக்கினத்தை சேர்ந்தவர்களுக்கு முழுமையான நன்மையை வாரி வழங்குவார் அனைத்து வழிகளிலும் முழு நன்மையை அனுபவிப்பர், தன்னுடைய குணத்தின் செயல்பாட்டால் அனைத்து தரப்பினரிடமும் நல்ல பெயரையும் தொழில் ஆதாயமும் அடைவர், குழந்தை பாக்கியம் பரிபூரணமாக கிடைக்கும், வீடு, வண்டி, வாகனம், புதிய சொத்து என சுகபோகத்தை அனுபவிப்பர், வெளிநாட்டு வேலை வீடு தேடிவரும். ஒழுக்கத்தில் சிறந்து விழங்குவர். 

மகரம் லக்கினம்: 


மகர லக்கினக்காரர்களுக்கு இந்த குருபெயர்ச்சி மிகுந்த சோதனையையே தரும் என்பது வருத்தம் மிகுந்ததே. லக்கினத்திற்கு 8-ம் இடத்தில் உள்ள குரு இந்த லக்கினத்தை சேர்ந்தவர்களுக்கு முழுமையான கெடுதலையே செய்வார், தொழில் தொடர்பு முயச்சி பலனளிக்காமல் போய்விடும், இளைய சகோதரர்களால் மனவிரயம் ஏற்படும், நண்பர்கள் மற்றும் சுற்றதாரின் உதவி கிடைக்க வாய்ப்பு குறைவு, உடல் நலனில் அதிக கவனம் தேவை, கட்டுபாடு மிகவும் அவசியம், தாய், தந்தையிடம் கோபம் கொள்ளுதல் ஆகாது, வெளிநாடு செல்லும் முயற்சி தோல்வியில் போய்முடியும் அப்படியே கிடைத்து சென்றாலும் போனவேகத்தில் திருபுவர். பொறுமையும், நிதானமும், பெரியோர்களின் வழிகாட்டுதலையும் கேட்டு நடப்பது நல்லது. 

கும்பம் லக்கினம்: 


கும்ப லக்கினக்காரர்களுக்கு இந்த குருபெயர்ச்சி மிகுந்த நன்மையை செய்யும். லக்கினத்திற்கு 7-ம் இடத்தில் அமர்ந்துள்ள குரு இந்த லக்கினத்தை சேர்ந்தவர்களுக்கு கல்வித்துறை மற்றும் விளையாட்டு துறையில் இருப்போருக்கு மிகுந்த நன்மையை செய்யும், நண்பர்கள் மற்றும் சுற்றத்தாரின் முழுமையான ஆதரவு கிடைக்கும், குடும்ப வருமானம் நல்லமுறையில் இருக்கும், வேளையில் இருப்போருக்கு சம்பள உயர்வு 100% கிடைக்கும், திருமணம் ஆகாதோருக்கு முன்பகுதியில் பிரச்சனையை கொடுத்தாலும் இறுதியில் தனக்கென்று ஒரு குடும்பத்தை அமைத்து தந்துவிடு செல்லும், இவ்வாறாக கும்ப லக்கினம் மற்றும் மிதுன லக்கின நண்பர்களுக்கு கூட்டுத் தொழில் – நண்பர்களிடையே கருத்து வேறுபாடு மற்றும் திருமண விஷயங்களில் முன்பகுதி மனவிரயம் இறுதியில் நன்மையை செய்துவிட்டு செல்லும். 

மீனம் லக்கினம்: 


மீன லக்கினக்காரர்களுக்கு இந்த குருபெயர்ச்சி மிகுந்த சோதனையையே தரும் என்பது வருத்தம் மிகுந்ததே. லக்கினத்திற்கு 6-ம் இடத்தில் உள்ள குரு இந்த லக்கினத்தை சேர்ந்தவர்களுக்கு தொழிலில் தேக்க நிலை, பணிபுரியும் இடத்தில் அவப்பெயர், தாய் தந்தையிடையே கருத்து வேறுபாடு, அதிகப்படியான முன்கோபம், முரட்டு புத்தி, குடும்பத்தில் சண்டை சச்சரவு, பேச்சில் ஆணவம், மனைவியிடம் வீண் பிரச்சனை, அனைத்திலும் திருப்தி குறைவு என அனைத்து வழியிலும் சோதனைய அனுபவிப்பர். 

கவனிக்க வேண்டியவை: 

இதுவே 12 லக்கினங்களின் பலன்கள் ஆகும். 100% இந்த பலன்கள் ஒவ்வொருவரின் சுயஜாதகத்திற்கும் கண்டிப்பாக மாறுபடும் நண்பர்களே. உதாரணமாக மீன லக்கினத்தை சேர்ந்த ஒரு நண்பருக்கு தற்போது நடக்கும் ஏதோ ஒரு கிரகத்தின் புத்தியில் 5-ம் வீட்டு பலன் மட்டுமே நடைபெறுமேயாயின் அந்த 5-ம் வீடு நல்ல நிலையில் இருப்பின் கண்டிப்பாக இந்த குருபெயர்ச்சியில் அவர் தீமையை அனுபவிக்க மாட்டார். 5-ம் வீட்டு பலனை மட்டுமே அனுபவிப்பர். 

ஆகவே நண்பர்களே இந்த குரு பெயர்ச்சி தங்களின் ஜாதகத்திற்கு நன்மையை செய்யுமா இல்லை தீமையை செய்யுமா என்பதை தெரிந்து கொள்ள விரும்பும் நண்பர்கள் தங்களின் ஜாதக குறிப்புகளை featurereport1@gmail.com  என்ற இந்த மின்னஞ்சல் முகவரிக்கு அனுப்பி வைத்து தெளிவு பெறலாம். 
நன்றி.

astrorj4@gmail.com
 +9-19698729894 
இறையருள் என்றும் நம்துனை நிற்கும்!